Logos Multilingual Portal

Select Language



[ No Biography for this Author ]

admiro los ombres ke pasaron los setenta, siempre emprezentan a las mujeres un amor para toda la vida
adoro los partidos politikos el uniko lugar ande no se avla de politika
aver tenido una buena edukasion es oy una grande desfavor, siendo ke te eksluye de munchas kozas
ay ke djugar siempre lealmente... kuando tenemos buenas kart
ay solo una koza en el mundo ke es mas negro ke avlen de uno, i es ke no avlen de uno
basta amijorar una persona para arrovinarla
devemos tener anava, saviendo ke los otros mos son inferiores
egzisten dos grupos de ombres: los djustos i los indjustos.la divizion la azen los djustos
el puvliko tiene una kuriozidad inamatavle de saverlo todo, salvo de lo ke vale la pena saver
el amor no es siego, es presbite: la prova es ke empesa a ver los defektos a medida ke se aleshan
el dover es lo ke esperamos ke agan los otros
el egoizmo no konsiste en bivir komo la persona lo dezea, sino en pretender ke los otros bivan komo dita persona lo dezea
el lavoro es el avrigo de los ke no tienen nada ke azer
el ombre es un animal razonavle ke piedre el meoyo kuando le demandan ke se komporte asigun los preseptos de la razon
el sekreto de la ventura es kayer en las tentasiones
en este mundo egzisten dos trajedias. la primera konsiste en no otener lo ke se dezea, la sigunda en obtenerlo
en los echos vitalmente emportantes lo esensial es el estilo, no la sinseridad
es djustamente porke la umanidad no saviya ande estava ke logro topar su kamino
es vedraderamente monstruozo ke la djente diga a muestras espaldas kozas ke son absolutamente vedraderas
este kedarse enkantado es terrivle… espero ke turara
jeneralmente digo siempre lo ke penso vedraderamente. ama oy vino a ser un yerro pezgado porke ay riziko de ser mal entendido
ke manziya ! en lo ke inventa una makina para azer su lavoro el ombre empesa a morirse de ambre
ken siendo amado es prove?
kuando la djente esta de akordo kon mi, siempre me parese ke m\'esto yerrando
la edukasion es una koza maraviyoza, ama de vez en kuando kale rekodrar ke nada ke valga la pena konoser puede ser ambezado
la opinion puvlika es una tentativa de organizar la inyoransa de la djente i de enalteserla a la dinyidad kon la fuersa fizika
las klasas populares no tienen otra mision ke la de dar el buen enshemplo
las mujeres mos keren por muestros defektos. Si tenemos bastantes mos pedronan todo, asta muestro entendimiento
los grandes akontesimientos del mundo tienen lugar en el meoyo
los mansevos de oy imajinan ke solo kontan las paras i echos mas aedados deskuvren ke ansina es
me agrada avlar. Munchas vezes avlo kon mi mizmo makare ke me oyga i so tan entelidjente ke en vezes no entiendo lo ke digo
mientres ke la gerra kontinuara de ser vista komo koza mala, guadrara su fasinasion. Kuando sera vista komo vulgar, ya pedrera su popularidad
munchas son las kozas ke se echariyan al chop si no fuera por el espanto de ke otro pudiera arrekojerlas
no ay nada en el mundo komo la devosion de una mujer kazada.Es una koza de la ke ningun ombre kazado tiene la mas chika idea
no so bastante mansevo para saverlo todo
para ke uzar palavras godras? por lo poko ke sinyifican!
puedo tolerar la fuersa bruta, ama la razon bruta es insomportavle
tengo gustos simples,me akontento kon lo mijor
todo es sakanozo. ama, si no fuera ansina, no valdriya la pena de bivir
un sigariko es el enshemplo perfekto de un plazer perfekto. Es delisiozo i desha la persona insatisfecha. Kualo mas se puede demandar?
uno deveriya estar siempre enamorado. Es por esto ke nunka deveriyamos kazarmos